O 12 de marzo, Jacobo visitou a nosa escola para preparar coas crianzas un pequeno bancal con bordo vexetal, de abeleira e salgueiro; no que plantar aromáticas con verduras ao estilo horta medieval. Tamén plantamos plantas aromáticas na espiral que preparamos no primeiro trimestre coa colaboración das familias.
" Es la historia de una hoja, que cuando llueve se moja. Llueve y se moja. Llueve y se moja. Llueve y se moja.
¡Como se moje otra vez, se va a convertir en PEZ! "
As nenas e nenos da aula de cinco anos recolleron follas do noso patio para despois observar e escribir o nome da árbore correspondente.
As crianzas da aula das flores completaron esta labor de clasificación, acompañando cada unha das follas coa imaxe dun peixe, facendo alusión ao poema que estamos a traballar na aula "Historia de una hoja" (Versos vegetales; Antonio Rubio)
A pasada semana tivemos unha sesión interesantísima con Eric e Laura, na que descubrimos moitísimas cousas sobre os planetas. Graciñas mil!!
A horta das "Sete Lúas" comeza a dar os seus froitos. Durante as últimas semanas do mes de xaneiro, nas tres aulas da escola, estivemos preparando ricas ensaladas coa leituga que recollemos na horta.
